ការប្រកួត Cybernet Showdown-2020 លើកទី៣ត្រូវបានផ្អាក

ក្រុមហ៊ុន សប្បាយ ( SABAY ) សូមជម្រាបជូនដល់កីឡាករ និងអ្នកគាំទ្រសេវាមក្សាន្ត AK2 ទាំងអស់ មេត្តាជ្រាបថា ខណៈពេលដែលប្រទេសកម្ពុជា និងបណ្ដារប្រទេសមួយចំនួនក្នុងពិភពលោក កំពុងមានការព្រួយបារម្ភ លើការរីករាលដាលរបស់ជម្ងឺរលាកសួត ដែលបង្កឡើងដោយវីរុសកូរ៉ូណាប្រភេទថ្មី (COVID-19) ក្រុមហ៊ុន និងក្រុមការងាររៀបចំការប្រកួត Cybernet Showdown-2020 បានសម្រេចធ្វើការផ្អាកការប្រកួតលើកទី៣ នៅខេត្តសៀមរាប ដែលនឹងប្រព្រឹត្តនៅថ្ងៃទី២៨ ខែមីនា ឆ្នាំ២០២០ ខាងមុខនេះ ដែលមានទីតាំងស្ថិតនៅ Wolf CyberCafe ។ ការសម្រេចផ្អាកការប្រកួតនេះគឺ ដើម្បីការពារដល់សុខភាពកីឡាករ និងបញ្ជៀសការឆ្លងរីករាលដាលនៃ មេរោគប្រភេទថ្មីនេះ។ 

សូមក្លឹបកម្សាន្ត ( NET ) ទាំងអស់មេត្តាចូលរួមអនុវត្តនូវវិធានការអនាម័យមួយចំនួន រួមមានដូចខាងក្រោម៖

• រៀបចំឧបករណ៍វាស់កំដៅដល់កីឡាករ ឬភ្ញៀវចេញចូល បើកំដៅលើសពី ៣៤អង្សារត្រូវសាកសួរ (ករណីចាំបាច់ណាមួយត្រូវទាក់ទងទៅលេខ ១១៥)
• រៀបចំអោយមានទឹកលាងដៃដូចជាអាល់កុល ឬទឹកសំលាប់មេរោគតាមច្រកចេញចូល
• ធ្វើអនាម័យបរិវេណទីតាំងក្លឹប (ផ្ទៃខាងក្នុង និងខាងក្រៅ)
• ធ្វើអនាម័យឧបករណ៍ សម្ភារៈប្រើប្រាស់ ( Mouse, Keyboard, Headset, Mouse Pad, PC, តុ, កៅអី ។ល។ )
• អនាម័យសម្លៀកបំពាក់ និងខ្លួនប្រាណ
• អនាម័យក្នុងបន្ទប់ទឹក និងមានសាប៊ូ
• មានក្អក កណ្ដាសត្រូវប្រើប្រាស់ម៉ាស់ការពារ

ក្រុមហ៊ុន សប្បាយ (SABAY) នឹងធ្វើការជូនដំណឹងអំពីការប្រកួត Cybernet Showdown-2020 លើកទី៤ នៅពេលខាងមុខនេះ។ ព័ត៌មានលម្អិតសូមតាមដានគេហទំព័រហ្វេសប៊ុក AK Sabay *OfficialPage។

សូមអគុណ!

យើង​ខ្ញុំ​សូម​រក្សា​សិទ្ធិ​កែ​ប្រែ​ដោយ​មិន​ចាំ​បាច់​ជូន​ដំណឹងទុកជា​មុន

សម្រាប់​ព័ត៌មាន​បន្ថែម​ 015 364 168/ 015 294 168