៤ ក្រុមណាត់គ្នាទៅ Phnom Penh Tower
ឆ្លងកាត់ការប្រកួតជម្រុះយ៉ាងស្វិតស្វាញ និងតឹងតែងបំផុតអស់រយៈពេលជាង ៦ ខែ ឥឡូវ AK អាចរកឃើញក្រុមខ្លាំងចំនួន ៤ ដែលមានឈ្មោះនៅក្នុងបញ្ជីសម្រាប់ការប្រកួតវគ្គផ្ដាច់ព្រ័ត្រនៃ កម្មវិធី Cambodian National Championship (CNC) ដែលនឹងប្រព្រឹត្តទៅនៅថ្ងៃ ១៩ វិច្ឆិកា ខាងមុខនេះ នៅអាគារ Phnom Penh Tower ស្ថិតនៅបណ្ដោយផ្លូវមុនីវង្ស។តើជើងខ្លាំងទាំង ៤ នោះមានក្រុមណាខ្លះទៅ? ក្រុមទាំងនោះមាន៖ TheHellGate, Team Tono4E, Assasin Zenith និងក្រុម SeVen ColoR។
ក្រុម SeVen Color
ប្រធានក្រុម Assasin Zenith បានបង្ហាញក្ដីរីករាយដែលក្រុមរបស់ខ្លួនអាចសម្រេចបានលទ្ធផលដ៏ គាប់ប្រសើរនេះ។ រូបគេបានឲ្យដឹងថា “នេះជាការចូលរួមលើកដំបូងរបស់ក្រុមសម្រាប់កម្មវិធីប្រកួតនេះ។ អ្វីដែលក្រុមអាចសម្រេចបានវាហួសពីការរំពឹងទុក។ យ៉ាងណាមិញ ប្រធានក្រុមរូបនេះយល់ឃើញថា មុននឹងអាចទទួលជ័យជំនះនេះបាន ក៏មិនមែនជារឿងងាយស្រួលប៉ុន្មានដែរ។
ជាមួយទឹកមុខយ៉ាងម៉ឺងម៉ាត់ និងមើលទៅមិនសូវរីករាយប៉ុន្មានអ្នកដឹកនាំក្រុម Koma ChheanMok ដែលរងបរាជ័យក្រោមថ្វីដៃក្រុម Assasin Zenith បានប្រាប់ថា ការប្រកួតរបស់ក្រុមនៅថ្ងៃចុងក្រោយនេះមិនសូវបានល្អ និងខ្វះការសហការគ្នា។ រូបគេបានបញ្ជាក់ថា សមាជិកក្នុងក្រុមម្នាក់ៗ លេងអត់ស៊ីចង្វាក់គ្នា អត់សូវចេះជួយគ្នា ដែលនេះជាមូលហេតុនាំឲ្យចាញ់គូប្រជែង។
ចំណែកសមាជិកក្រុម SevenColor ដែលស្ថិតក្នុងតារាង ៤ ក្រុមចុងក្រោយដែលអាចឡើងទៅវគ្គផ្ដាច់ព្រ័ត្របានប្ដេជ្ញាថានឹង ធ្វើការប្រឹងប្រែងបន្តទៀត សម្រាប់ការប្រកួតវគ្គចុងក្រោយនៅថ្ងៃខាងមុខនេះគឺដើម្បីធ្វើយ៉ាង ណារកកៅអីមួយទៅប្រកួតនៅម៉ាឡេស៊ី។
សមាជិករូបនេះបានបញ្ជាក់ថា “ខ្ញុំនិងសមាជិកក្នុងក្រុមទាំងមូល នឹងប្រឹងហ្វឹកហាត់បន្ថែមទៀត ដើម្បីឲ្យធ្វើឲ្យការប្រកួតកាន់តែល្អជាងនេះ និងជាពិសេសនោះគឺចង់ទៅចូលរួមការប្រកួតនៅលើឆាកអន្តរជាតិ”។
| លទ្ធផល ៤ ក្រុមចុងក្រោយនៅ Cambodian National Championship | ||||||||
| Match | Date | Time | Map | Team Name | Result | VS | Result | Team name |
| G9 | 5/11/2011 | 10h:00 | Random | TheHellGate | 7 | vs | 2 | The Red Night of TRN |
| G10 | 5/11/2011 | 11h:00 | Random | Call Of Duty | 5 | vs | 9 | Team Tono4E |
| G11 | 5/11/2011 | 2h:00 | Random | Assassin Zenith | 9 | vs | 6 | Koma ChheanMok |
| G12 | 5/11/2011 | 3h:00 | Random | Zxz BanhPret zXz | 7 | vs | 9 | SevenColor |