TheHellGate ដឹកដៃ RBC ទៅម៉ាឡេស៊ី
អៃយ៉ា! RBC ចាញ់បាត់ហើយ ដោយស្នាដៃរបស់ The Hellgate ក្នុងលទ្ធផលពិន្ទុ ៧-៥។ ឥឡូវនេះ ក្រុម The Hellgate ទទួលបានប្រាក់លើកទឹកចិត្ត២លានរៀល ខណៈដែល RBC បានត្រឹម ១លានរៀល ពី Sabay។ ការប្រគល់ទឹកប្រាក់នេះក្រោមអធិបតីភាពរបស់ លោក ជី សិលា នាយកប្រតិបត្តិនៃក្រុមហ៊ុន Sabay។
ជាមួយគ្នានេះ ក្រុម 7 Color និង AZ ដែលចាញ់មិនបានឡើងដល់វគ្គផ្ដាច់ព្រ័ត្រនោះទទួលបានទឹកប្រាក់ លើកទឹកចិត្តម្នាក់ ២០ ម៉ឺនដូចគ្មា។ នេះពិតជាសង្វៀនគួរឲ្យសោកស្ដាយសម្រាប់ក្រុម RBC ពីព្រោះថា លោក រតនា ម្ចាស់ហាង Internet មួយនឹងឩបត្ថម្ភក្រុម នេះ ១លានរៀល បន្ថែមទៀត ប្រសិនបើក្រុម ឈ្នះក្រុម The Hellgate។ តែចុងក្រោយ ទឹកប្រាក់សរុប ៣លានរៀលរួមទាំងការឧបត្ថម្ភពីSabay នោះបានត្រឹមតែ១លានរៀលតែប៉ុណ្ណោះ។ មិនថ្វីទេ Sabay មានព្រឹត្តិការណ៍ជាច្រើនទៀតណា៎។
ក្រុម RBC និង The Hellgate បានចាប់ដៃគូគ្នាទៅប្រកួតនៅម៉ាឡេស៊ី បើទោះជាមើលមុខគ្នាមិនត្រង់នាពេលនេះក៏ដោយ។ ជាងនេះទៅទៀត ក្រុមទាំងពីរត្រូវបានផ្គត់ផ្គង់ និង ការចំណាយគ្រប់បែបយ៉ាង ក្នុងការធ្វើដំណើរទៅប្រកួតនៅម៉ាឡេស៊ីនាខែកុម្ភៈខាងមុខនេះ ពីក្រុមហ៊ុន Sabay ដែរ។
