AK War Journal: RBC ផ្លាស់ប្ដូរសមាជិក
ថ្មីៗនេះក្រុមជើងខ្លាំង Red Boy Club (RBC) មានព័ត៌មានលេចលឺថា មានការផ្លាស់ប្ដូរសមាសធាតុក្នុងក្រុមរបស់ខ្លួន ខណៈពេលដែលថ្ងៃទៅចូលរួមការប្រកួត Ak World Championship ថ្នាក់អន្តរជាតិនៅប្រទេសម៉ាឡេស៊ីកាន់តែខិតជិតមកដល់នាពេលដ៏ ខ្លីខាងមុខនេះ។ តើការប្ដូរសមាជិកម្នាក់នេះ អាចប៉ះពាល់ដល់ការប្រកួតរបស់ក្រុមមួយនេះដែរឬទេ?
បូវីន ប្រធានក្រុម RBCបាននិយាយប្រាប់ Sabay ថា ដោយសារសមាជិកម្នាក់ដែលមានឈ្មោះYangKi មានកិច្ចការផ្ទាល់ខ្លួនមិនអាចរួមក្រុមទៅចូលរួមការប្រកួតបាន ដូច្នេះក្រុមបានសម្រេចចិត្តជ្រើសរើសសមាជិកថ្មីម្នាក់ដែលមាន រហ័សនាម Yuuki មកកាន់តួនាទីជំនួស YangKi។
ជុំវិញការផ្លាស់ប្តូរសមាជិកនេះដែរ បូវីន បានបញ្ជាក់ថា មិនមានផលប៉ះពាល់ធ្ងន់ធ្ងរដល់ទម្រង់លេងក៏ដូចជាបច្ចេកទេសក្នុង ក្រុមនោះទេ ពីព្រោះសមាជិកថ្មីម្នាក់នេះក៏មានសមត្ថភាពនិងទឹកដៃប្រហាក់ប្រហែល សមាជិកចាស់ដែលបានសុំចាកចេញនោះដែរ។ ប្រធានក្រុមរូបនេះបន្តទៀតថា ក្រុមរបស់ខ្លួននឹងនៅតែរក្សាទម្រង់លេង និងយុទ្ធសាស្ត្រដដែលមិនមានការផ្លាស់ប្ដូរនោះទេ។
តើការផ្លាស់ប្ដូរសមាសធាតុយ៉ាងទាន់ហន់បែបនេះ នឹងជះឥទ្ធិពលយ៉ាងណាខ្លះសម្រាប់ការប្រកួតនៅថ្ងៃខាងមុខសម្រាប់ ក្រុម RBC?
RBCជាក្រុមដែលទទួលចំណាត់ថ្នាក់លេខ២ សម្រាប់ការប្រកួតថ្នាក់ជាតិ Cambodia National Champioship នៅក្នុងសេវាកម្សាន្ត AK អនឡាញ កាលពីខែវិច្ឆិកាកន្លងទៅ ហើយដែលត្រូវតំណាងឲ្យប្រទេសកម្ពុជារួមជាមួយក្រុម TheHellGate ទៅចូលរួមការប្រកួតលំដាប់អន្តរជាតិ AK World Championship ក្នុងប្រទេសម៉ាឡេស៊ីនៅថ្ងៃ ១៤-១៥ មករាខាងមុខនេះ៕