ជើងខ្លាំងពីរក្រុមសម្រាប់ CCC បន្ទាយមានជ័យ
បន្ទាប់ពីឆ្លងកាត់ការប្រកួតយ៉ាងស្វិតស្វាញតាំងពីវគ្គជម្រុះ ដំបូងរហូតមកទល់ថ្ងៃនេះ ទីបំផុត CCC បន្ទាយមានជ័យបានរកឃើញជើងខ្លាំងក្នុងខេត្តបន្ទាយមានជ័យប្រចាំឆ្នាំ ២០១៣ ដោយក្នុងនោះចំណាត់ថ្នាក់លេខ១ និងលេខ ២ របស់សេវាកម្សាន្ត AK Online ក៏បានរកឃើញជើងខ្លាំងដោយចំណាត់ថ្នាក់លេខមួយបានទៅលើក្រុម TheChance ដែលជាក្រុមឆ្លងដែនមកពីខេត្តបាត់ដំបង និងជាសមាជិក Clan TheJa Noy ផ្ទាល់តែម្ដង ខណៈក្រុម Team 1 Mat ដែលជាអតីតក្រុមជើងឯក CNC 2011 TheHell’sGate ឆ្លងដែនមកពីទីក្រុងភ្នំពេញទទួលបានចំណាត់ថ្នាក់លេខ ២ តែប៉ុណ្ណោះ។
ក្រុមជើងឯក The Change ម្ចាស់ជើងឯក AK បន្ទាយមានជ័យ
ក្រុមជើងឯករង Team1Mat ម្ចាស់ជើងឯក AK បន្ទាយមានជ័យ
សម្រាប់ជើងឯកប្រចាំសេវាកម្សាន្តទាំង ២ ទទួលបានទឹកប្រាក់ចំនួន 2 000$ មេដាយមាសចំនួន ៥ និងពានចំនួន ១ ខណៈក្រុមដែលទទួលបានចំណាត់ថ្នាក់លេខ ២ ទទួលបានប្រាក់រង្វាន់ចំនួន 1 000$ និងមេដាយប្រាក់ចំនួន ៥។ ក្រុមទាំង ៤ នេះ នឹងតំណាងឲ្យខេត្តបន្ទាយមានជ័យ ដើម្បីទៅចូលរួមជាមួយក្រុមខ្លាំងមកពីបណ្តាខេត្តក្រុងដទៃទៀត សម្រាប់ការប្រកួតថ្នាក់ជាតិនៅរាជធានីភ្នំពេញនៅពេលខាងមុខនេះ។
សម្រាប់ក្រុមជើងឯកនិងជើងឯករង ពួកគេមានចំណាប់អារម្មណ៍បែបណា សូមរង់ចាំនៅពេលក្រោយ។