៦ ប្រទេសបង្ហាញខ្លួននៅម៉ាឡេស៊ី
ការប្រកួតប្រជែងរវាងក្រុមខ្លាំងនិងក្រុមខ្លាំងឆ្លងប្រទេសក្នុង កម្មវិធី AK World Championship នៅប្រទេសម៉ាឡេស៊ី នាពាក់កណ្ដាលខែមករាឆ្នាំ២០១២ខាងមុខនេះមានប្រទេសចំនួន ៦ ដែលមានវត្តមានចូលរួមការប្រកួតដ៏កក្រើកប្រចាំឆ្នាំមួយនេះ។
ក្រុមប្រទេសទាំង ៦ រួមមាន៖ ម៉ាឡេស៊ី (ម្ចាស់ផ្ទះ) ថៃ ចិន ឥណ្ឌូណេស៊ី សិង្ហបុរី និងកម្ពុជា។ ប្រទេសទាំង ៦ គឺក្នុងមួយប្រទេសមានពីរក្រុមដែលនឹងតំណាងឲ្យប្រទេសរៀងៗខ្លួន ដើម្បីចូលរួមការប្រកួតប្រជែងនោះ។
ក្រុមកម្ពុជាដែលនឹងត្រូវទៅចូលរួមការប្រកួតលំដាប់ថ្នាក់ អន្តរជាតិ នៅប្រទេសម៉ាឡេស៊ីមានក្រុមTheHellGate និង Red Boy Club ដែល ក្រុមទាំងពីរនេះមានកៅអីម្នាក់មួយ ក្រោយពេលយកឈ្នះការប្រកួតនៅវគ្គផ្ដាច់ព្រ័ត្រ Cambodian National Championship កាលពីថ្ងៃ ១៩ វិច្ឆិកា នៅអាគារ Phnom Penh Tower។
នេះជាលើកដំបូង ដែលកម្ពុជាមានក្រុមតំណាងទៅចូលរួមការប្រកួតពានរង្វាន់ AK ថ្នាក់ពិភពលោកនៅប្រទេសម៉ាឡេស៊ី ដែលនេះក៏ដើម្បីជាការធ្វើតេស្ដសមត្ថភាពលើផ្នែកបច្ចេកវិទ្យាការ កម្សាន្តជាមួយបណ្ដាប្រទេសដទៃទៀតនៅក្នុងតំបន់៕
តើមិត្តយុវវ័យមានភាពជឿជាក់ប៉ុន្មានភាគរយដែរសម្រាប់ វត្តមានលើកដំបូងរបស់ក្រុមកម្ពុជា ក្នុងការចេញទៅចូលរួមការប្រកួតលើកនេះ?