បទបញ្ជាការប្រកួត AK2 Qualifiers Round Road to SEA Games 2023
1.លក្ខខណ្ឌកីឡាករ
1.1. ក្រុមចូលរួម
សម្រាប់ក្រុមដែលត្រូវបានចូលរួមគឺជាក្រុមដែលមានលក្ខណៈគ្រប់គ្រាន់ដែលមានភាពច្បាស់លាស់ក្នុងនោះត្រូវបានកំណត់យ៉ាងច្បាស់ពីក្រុមរបស់ខ្លួននិងសមាជិករបស់ខ្លួន។ ក្រុមដែលអាចចូលរួមត្រូវបានកំណត់ចំនួនក្រុមក្នុងការប្រកួតតាមការកំណត់របស់អ្នករៀបចំការប្រកួត ឬតាមការកំណត់ដែលមានប្រកាសអំពីចំនួនកំណត់នៃក្រុមដែលអាចមកចូលរួមការប្រកួតបាន។
សម្រាប់ 16 ក្រុមដែលមានសិទ្ធិចូលរួូមការប្រកួតវគ្គ AK2 Qualifiers Round Road to SEA Games 2023 ក្រុមហ៊ុនសប្បាយ បានឧបត្ថមជាទឹកប្រាក់ចំនួន 20 ម៉ឺនរៀល (50 ដុល្លារអាមេរិក)។
1.2. សមាជិកក្រុម
- គ្រប់កីឡាករ ឬគ្រូបង្វឹក ត្រូវធ្វើការចុះឈ្មោះអំពីតួនាទីរបស់ខ្លួន។
- សមាជិកក្រុមអាចមានចំនួន 8នាក់ មកកាន់ការប្រកួតក្នុងនោះត្រូវបានកំណត់សមាជិកម្នាក់ជាប្រធានក្រុមឬអាចហៅជាភាសាអង់គ្លេសបានថា Captain Team។
- សមាជិកក្រុមចំនួន 8នាក់ ត្រូវមានកីឡាករ 5នាក់ បំរុង 2នាក់ គ្រូបង្វឹក1នាក់។
- កីឡាករទាំងអស់ត្រូវមកធ្វើការចុះឈ្មោះ ដោយភ្ជាប់ជាមួយនូវឯកសារសាមីខ្លួន ដើម្បីបញ្ជាក់សមាសភាពកីឡាករនីមួយៗ។
- ក្នុងចំណោមកីឡាករទាំងអស់ អាចជ្រើសរើសកីឡាករណាម្នាក់ជាប្រធានក្រុម ក្នុងករណីគ្មានគ្រូបង្វឹក។
- ក្នុងករណីដែលកីឡាករមិនមានគ្រូបង្វឹក នោះប្រធានក្រុមអាចជាកីឡាករចូលរួមប្រកួត ឬអាចធ្វើជាអ្នកឈរពីក្រោយបញ្ជារក្រុមរបស់ខ្លួនបាន។
- សមាជិកក្រុមមិនអាចផ្លាស់ប្តូរ ឬដាក់បន្ថែមបានទេនៅពេលដែលប្រកាសសមាជិករួចរាល់។
- គ្រូបង្វឹកមានសិទ្ធិឈរនៅទីតាំងប្រកួតបាន។
- គ្រូបង្វឹកនិងប្រធានក្រុម អាចនិយាយជាមួយកីឡាករក្នុងពេលប្រកួតត្រឹមតែ 15 វីនាទីដំបូង នៃ3នាទី របស់ការប្រកួតជុំនីមួយៗ។
- គ្រូបង្វឹកនិងប្រធានក្រុម អាចនិយាយជាមួយកីឡាករបើសិនជាមានបញ្ហាលោតចេញ (Disconnect)។
- គ្រូបង្វឹកមិនអាចចូលរួមប្រកួតបានទេ។
1.3. ឈ្មោះរបស់ក្រុម
សម្រាប់ឈ្មោះក្រុមតម្រូវអោយសមាជិកទាំងអស់កំណត់អំពីឈ្មោះក្រុមអោយបានច្បាស់លាស់រួចប្រធានក្រុមត្រូវរាយការណ៍ ឬប្រាប់ទៅកាន់ភ្នាក់ងាររៀបចំការប្រកួតអោយបានច្បាស់ ដើម្បីអោយពួកគាត់ទទួលយកនិងរក្សាឈ្មោះរបស់ខ្លួនដាក់បញ្ចូលទៅក្នុងការប្រកួតនោះ។
1.4. ឈ្មោះរបស់កីឡាករ
កីឡាករទាំងអស់ត្រូវតែមានឈ្មោះពិតប្រាកដដែលភ្ជាប់ជាមួយលិខិតឬឯកសារបញ្ជាក់យ៉ាងច្បាស់លាស់អំពីសាមីខ្លួន រីឯឈ្មោះសម្រាប់តួអង្គក៏ត្រូវសរសេរបញ្ជាក់អោយច្បាស់ទៅកាន់ភ្នាក់ងាររៀបចំការប្រកួតមុនពេលការប្រកួតមកដល់។
1.5. អាយុរបស់កីឡាករ
អាយុត្រូវបានកំណត់ដែលអាចចូលរួមបានគឺ 16 ឆ្នាំគិតត្រឹមពេលប្រកួត។ ប្រធានក្រុមនិងកីឡាករទាំងអស់ត្រូវស្ថិតក្នុងវ័យដែលបានកំណត់ដើម្បីមានសិទ្ធិចូលមកកាន់ការប្រកួត។
1.6. រូបសម្គាល់ក្រុម ឬស្លាកសញ្ញាសម្គាល់របស់ក្រុមនីមួយៗ
រូបសម្គាល់ក្រុមដែលយើងអាចហៅជាភាសាអង់គ្លេសថា (Logo team) ដែលវាអមភ្ជាប់ជាមួយឈ្មោះក្រុម និងសមាជិកដែលអាចបញ្ជាក់បានថា ក្រុមនោះមានសិទ្ធពេញលេញក្នុងការប្រកួត។ រូបសម្គាល់ក្រុមត្រូវកំណត់អោយបានត្រឹមត្រូវមិនអាចយករូបណាមួយដែលខុសពីគោលការណ៍ហាមឃាត់ឡើយ។
ដូចជា៖
- រូបអាសអាភាស
- រូបស្លាកសញ្ញាពាណិជ្ជកម្មផ្សេងៗរបស់គេមកដាក់ជារបស់ខ្លួន
- រូបបង្ហាញពីសកម្មភាពមើលងាយ
- រូបអក្សរផ្សេងៗដែលអាចសន្មត់បានថាជាការមើលងាយ។
2. អំពីការប្រកួត
កាលបរិច្ឆេទថ្ងៃប្រកួត AK2 Qualifiers to SEA Games 2023 ថ្ងៃទី 10-11-12 ខែកុម្ភៈ ឆ្នាំ2023 ដែលមានទីតាំងនៅហាងអុីធឺណែត D-Roar CyberCafe។
2.1.ព័ត៌មាននៃការប្រកួត
ការប្រកួតត្រូវបានបែងចែកចេញជា 2ចំណុចក្នុងការកំណត់យកក្រុមប្រកួត AK2 Qualifiers to SEA Games 2023
- ចំណុចទី1 កំណត់យក 4 ក្រុមដែលសន្សំពិន្ទុតាំងពីរដូវកាលទី1 ដល់ទី4 ឡើងដោយស្វ័យប្រវត្តិទៅកាន់វគ្គប្រកួត 8ក្រុមចុងក្រោយ ( 8 teams Play off )។
- ចំណុចទី2 កំណត់យក 12 ក្រុមដែលមានពិន្ទុខ្ពស់ជាងគេ ដោយយកចេញពីវគ្គសន្សំពិន្ទុ ដែលមានចំនួន 4 សប្ដាហ៍ មកកាន់វគ្គប្រកួត ជម្រុះសន្សំពិន្ទុ ( Group Stage)។
2.2. លក្ខខណ្ឌការប្រកួត AK2 Qualifiers to SEA Games 2023
- ការប្រកួតសន្សំពិន្ទុពីរដូលកាលទី1 ដល់ទី4 ដែលមានចំនួន 4ក្រុម គឺមានសិទ្ធិឡើងមកលេងការប្រកួត AK2 Qualifiers to SEA Games 2023 វគ្គ 8 ក្រុមចុងក្រោយ ( 8 teams play off ) តែម្ដង។
- ការប្រកួត AK2 Team Challenge វគ្គសន្សំពិន្ទុ ដែលត្រូវបានបែងជាចេញជា 4 សប្ដាហ៍ កំណត់យក 12 ក្រុមដែលមានពិន្ទុខ្ពស់ជាងគេ។
- ការប្រកួត AK2 Qualifiers to SEA Games 2023 មានចំនួនសរុបទាំងអស់ 16 ក្រុម ដោយការប្រកួតនេះមានការសន្សំពិន្ទុចំនួន 12ក្រុម និង 4ក្រុមជាប់ដោយស្វ័យប្រវិត្តទៅកាន់វគ្គ 8ក្រុម ដើម្បីប្រកួតឡើងទៅកាន់ការប្រកួតវគ្គជ័យលាភីលេខ 1 លេខ 2 និងលេខ 3 ។
- ក្រុមតម្រូវអោយចុះឈ្មោះក្រុម និងសមាជិកជាមួយអ្នករៀបចំការប្រកួត មុនការប្រកួតមកដល់។
- ក្រុមប្រកួតទាំងអស់ត្រូវប្រើតួអង្គខ្លួនឯងដែលមានកម្រិតចាប់ពី 80 ឡើងទៅ។
- ការបោះកាក់សំរាប់ការប្រកួត៖ ក្រុមដែលឈ្នះការបោះកាក់អាចរើសយក (Pick) និង Ban map មុនឬរើសពណ៌មុន ឯអ្នកដែលចាញ់បោះកាក់មានសិទ្ធិរើសសម្លៀកបំពាក់តួអង្គ ។
2.3. ផែនទីនៃការប្រកួត
សម្រាប់ការប្រកួតលើកីឡាអេឡិចត្រូនិក AK2 Online ការដាក់ផែនទី វាជាការចាំបាច់សម្រាប់យកមកធ្វើការប្រកួតដោយផែនទីទាំងនោះសុទ្ធសឹងតែជាផែនទីដែលត្រូវបានកំណត់យកមករៀបចំប្រកួត ដោយត្រូវបានសម្រេចពីភ្នាក់ងារក្រុមការងាររៀបចំការប្រកួតរួចជាស្រេច ហើយក៏មានការអនុវត្តសាកល្បង ( Testing ) រួចរាល់មុននិងសម្រេចយកផែនទីនោះមកដាក់បញ្ជូលជាផែនទីជាក់លាក់សម្រាប់កីឡាករប្រកួត។
ការបោះកាក់ និងការបិទផែនទីមិនយកមកប្រកួត ( Ban Maps )
នៅពេលបោះកាក់ អ្នកឈ្នះមានសិទ្ធិក្នុងការជ្រើសរើស ពណ៌ ឬជ្រើសរើសការបិទផែនទីមុន ( Ban Maps ) ។
- ក្បួនបិទ ( Form Ban Map): 1- 2 – 1 – 1 – 1 ហើយផែនទីចុងក្រោយជាផែនទីដែលយកមកធ្វើការប្រកួត ។
- ក្បួនបិទផែនទី BO3 : (A)Ban 1, (B)Ban 1, (A)PIck 1, (B)Pick1 , (A)Ban 1,(B)Ban 1, ហើយផែនទីចុងក្រោយជាផែនទីដែលយកមកធ្វើការប្រកួតទី3 ។
- អ្នកដែលចាញ់ការបោះកាក់មានសិទ្ធិរើសសម្លៀកបំពាក់មុន ។
2.5.សម្ភារៈនៃប្រកួត
សម្រាប់សម្ភារៈដែលមាននៅក្នុងបទបញ្ជា និងច្បាប់នៃការប្រកួតត្រូវបានអនុញ្ញាតអោយប្រើប្រាស់ក្នុងការប្រកួត ចំណែកឯសម្ភារៈដែលមិនមាននៅក្នុងការកំណត់របស់បទបញ្ជា និងច្បាប់នៃការប្រកួត គឺមិនត្រូវបានអនុញ្ញាតអោយប្រើប្រាស់ឡើយ។
សម្រាប់ Sniper SW-Teaser អនុញ្ញាតអោយប្រើប្រាស់
2.6.សម្ភារៈប្រកួតរបស់កីឡាករ
រាល់សម្ភារៈប្រកួតដែលអាចយកមកធ្វើការប្រកួតបាន តម្រូវអោយសម្ភារៈទាំងនោះ ត្រូវឆ្លងកាត់ការត្រួតពិនិត្យពីមន្ត្រីរៀបចំការប្រកួតជាមុនសិន។ សម្ភារៈដែលយកមកប្រកួតអាចមានដូចជា៖ Mouse, Keyboard, Handset, និង Mousepad ចំពោះសម្ភារៈដទៃទៀតពុំអនុញ្ញាតឡើយ។
3. ច្បាប់នៃការប្រកួត ឬបទបញ្ជាការប្រកួត
- សព្វាវុធទាំងអស់មិនអនុញ្ញាតអោយដាក់បន្ថែមត្បូង (Gun Soul) និងសត្វចិញ្ចឹម (Pet)ឡើយ។
- កីឡាករទាំងអស់ត្រូវអាចដើរបាននៅនាទី 2:55
- មានចេតនា ប្រើប្រាស់កំហុសផែនទី (Map Bug) នឹងត្រូវបណ្តេញចេញពីការប្រកួត ឬអាចកំណត់អោយក្រុមនោះធ្លាក់ពីការប្រកួតតែម្ដង។
- ប្រសិនបើកីឡាករទាំងអស់មិនអាចបញ្ចប់ដោយសារតែហេតុផលដោយអចេតនា និងមិនបានរំពឹងទុក ដូចជា Server ឈប់ដំនើរការ ឬគាំង ពិន្ទុជុំនោះនឹងត្រូវបានបោះបង់ ហើយការប្រកួតត្រូវចាប់ផ្តើមឡើងវិញ។
- បើសិនជាកីឡាករមានបញ្ហា (ស្ថានភាពកាយសម្បទា) មិនអាចបន្តការប្រកួតបាន នោះអ្នករៀបចំនឹងមិនទទួលខុសត្រូវទេ។
- ប្រសិនបើសមាជិកក្រុមមិនគ្រប់ចំនួន 5នាក់ទេ នោះត្រូវកំណត់ចាញ់ដោយស្វ័យប្រវត្តិ។
- ក្នុងអំឡុងពេលនៃការប្រកួត ការប្រើប្រាស់ Hacks, Bugs, និងThird Party Tools ត្រូវបានហាមឃាត់ ។ បើពិនិត្យឃើញក្នុងករណីនេះមានក្រុមណាដែលបានលួចប្រើប្រាស់ ក្រុមនោះនឹងត្រូវបានបញ្ឈប់ការប្រកួត និងអោយធ្លាក់ពីការប្រកួតដោយស្វ័យប្រវត្តិ។
- អ្នកប្រកួតអាចប្រើប្រាស់សម្ភារៈប្រកួតផ្ទាល់ខ្លួនបានដូចជា Mouse, Keyboard និង Headset ក្នុងករណីដែលកំពុងប្រកួតសម្ភារៈនោះមានបញ្ហា នោះការប្រកួតនៅតែបន្ត។
- ករណីទី1 ៖ ចំពោះបញ្ហា Disconnect, Crashes បើមានភាគី ( A ) ឫបើមានភាគី ( B ) ខាងណាបាញ់ដាច់សមាជិកភាគីណាមួយដាច់តែ 1នាក់ ដែលកើតឡើងអំឡុងពេលប្រកួតនៅនាទីលើ 1:30 ដោយមិនទាន់បានដាក់គ្រាប់បែក (C4) នោះការប្រកួតអាច Restart បាន ប៉ុន្តែបើនៅក្រោមនាទី 1:30 នោះការប្រកួតត្រូវតែបន្ត។
- ករណីទី2 ៖ ចំពោះបញ្ហា Disconnect, Crashes បើមានភាគី ( A ) ឫបើមានភាគី ( B ) ខាងណាបាញ់ដាច់សមាជិកភាគីណាមួយដាច់តែ 1នាក់ មុននាទី 1:30 តែមិនទាន់បានដាក់គ្រាប់បែក (C4) ក្រោយមកភាគី ( B ) ដែលបាត់បង់សមាជិកនោះមានការ Disconnect, Crashes សមាជិកម្នាក់បន្ថែមទៀតនៅក្រោមនាទី 1:30 នោះ ការប្រកួតនៅតែបន្ត។
- ករណីទី3 ៖ ចំពោះបញ្ហា Disconnect, Crashes ដូចករណីទី2ខាងលើនិងមុននាទី 1:30 ហើយមិនទាន់បានដាក់គ្រាប់បែក (C4) ប្រសិនបើភាគី ( A ) ដែលត្រូវបានបាញ់ដាច់សមាជិក 2នាក់នោះ ហើយភាគី( A ) ដដែលបានបាញ់ដាច់សមាជិកភាគី ( B ) មានការ Disconnect, Crashes វិញ នោះមានសិទ្ធិជ្រើសរើស ប្រកួតបន្ត ឬធ្វើការសុំចាប់ផ្ដើមប្រកួតសារជាថ្មី។
- ប្រសិនបើកីឡាករធ្វើការចេញពីការប្រកួត (Left match) ដោយពុំមានការប្រាប់ពីអាជ្ញាកណ្ដាល( Referee ) នោះ ក្រុមនឹងទទួលពិន្ទុចាញ់។
- កីឡាករទាំងអស់ត្រូវមានសុជីវធម៌ និងគោរពពេលវេលាក្នុងការប្រកួត។ ក្នុងករណីដែលក្រុមណាមួយមកយឺតរយៈពេល 10នាទី នោះនឹងចាត់ទុកថាចាញ់ រីឯក្រុមម្ខាងទៀតជាអ្នកឈ្នះ ។
- គ្រប់សមាជិកក្រុមទាំងអស់ដាច់ខាតត្រូវរាយការណ៍ទៅក្រុមរបស់ខ្លួន យ៉ាងតិច ៣០នាទីមុនពេលការប្រកួតចាប់ផ្តើម។ ប្រសិនបើដល់ពេលប្រកួតហើយនៅតែមិនទាន់បង្ហាញខ្លួន ឬមានការយឺតយ៉ាវនៅពេលប្រកួតលើសពី 10នាទី នោះគឺចាត់ទុកថាអវត្តមាន ឬបោះបង់ការប្រកួត។ ចំណែកឯក្រុមម្ខាងទៀតចាត់ទុកថាឈ្នះ ហើយរង់ចាំការប្រកួតបន្ត។
- ប្រសិនបើក្រុមណាមួយមិនបានគោរពទៅតាមការកំណត់របស់អាជ្ញាកណ្ដាល( Referee ) ឬធ្វើអោយមានកំហុសណាមួយ អាជ្ញាកណ្ដាលមានសិទ្ធកំណត់កំហុសដោយមានការប្រមានលើកទី1 និងការប្រមានលើកទី2។
- ការប្រមានលើកទី1 (កំហុសមធ្យម) ដោយការប្រមានត្រឹមជាការប្រមានដោយ (Referee) ធ្វើការកត់ចំណាំទុក។
- ការប្រមានលើកទី2 (កំហុសធ្ងន់ធ្ងរ) តំរូវអោយមានការដកសិទ្ធក្រុមនោះចាញ់តែម្ដង។
- នៅពេលដែលក្រុមណាមួយដល់ម៉ោងប្រកួត ហើយមិនព្រមចូលទីតាំងប្រកួតតាមការកំណត់របស់ Referee ទេ នោះReferee ត្រូវកំណត់រយៈពេលត្រឹម 5នាទីប៉ុណ្ណោះ ហើយនៅតែមានការយឺតយ៉ាវទៀតត្រូវកំណត់អោយចាញ់តែម្ដងដោយគ្មានលក្ខខណ្ឌ។
- ប្រសិនបើមានលទ្ធផល (Point) ស្មើគ្នាក្នុង Group Stage មានចំនួន 3ក្រុម នោះយើងនឹងធ្វើការប្រកួតវគ្គ Personal Mode ដែលយកសមាជិកក្នុងក្រុម 3នាក់ ដើម្បីធ្វើការប្រកួតដោយយក Kill បូកសរុប។ បើ Point Kill តិចជាងគេជាអ្នកចាញ់។
- ប្រសិនបើមានលទ្ធផល (Point) ស្មើគ្នាក្នុង Group Stage មានចំនួន 2ក្រុម នោះយើងនឹងធ្វើការប្រកួតវគ្គ Boom Mode ដោយលេងគិត 3 point មុនឈ្នះ។
- ករណីដែលក្រុមខាងណាមួយសុំបោះបង់សិទ្ធក្នុងការប្រកួត នោះលិទ្ធផលឈ្នះនឹងផ្ដល់ទៅអោយក្រុមដែលជាដៃគូរក្នុងការប្រកួតនោះ។
- កីឡាករទាំងអស់ត្រូវតែពាក់អាវដែលក្រុមការងារ Sabay បានចែកអោយ បើមិនមានអាវត្រឹមត្រូវទេកីឡាករនោះ និងមិនអនុញ្ញាតអោយចូលរួមប្រកួតឡើយ។
- កីឡាករទាំងអស់និងគ្រូបង្វឹក ត្រូវតែមានខ្សែរក្រដាសពណ៌បិទនៅនិងដៃ ដែលពណ៌ក្រហមសម្រាប់កីឡាករ ពណ៌លឿងសម្រាប់គ្រូ។
- ក្រដាសខ្សែរពីរពណ៌នេះ គឺសម្រាប់តែនៅពេលដល់ម៉ោងប្រកួត ឬមានតួនាទីទើបអាចចូលទៅកាន់កន្លែងប្រកួតបាន បើពុំមាននោះទេ មិនអនុញ្ញាតអោយចូលឡើយ ហើយក្រដាសនេះទទួលបាន ដោយក្រុមការងាររៀបចំការប្រកួតបានប្រគល់ជូន។
- កីឡាករទាំងអស់និងគ្រូបង្វឹក ត្រូវតែមានកាសពាក់ជាប់ត្រចៀកពេលការប្រកួតចាប់ផ្ដើម ក្នុងករណីមិនអនុវត្ត ឬមិនពាក់កាសទេ នោះត្រូវទទួលការពិន័យទៅតាមការកំណត់របស់អាជ្ញាកណ្ដាល។
3.1. របៀបនៃការប្រកួត
ក្រុមដែលចូលរួមតម្រូវអោយលេងនៅវគ្គ Online Team Challenge ដើម្បីសន្សំពិន្ទុឡើងមកលេងនៅវគ្គចាប់ពូលនិងវគ្គជម្រុះ។
3.2. ការចាប់ពូល 12ក្រុម (Group Stage)
| Group A | Group B | Group C | Group D |
| Team A1 | Team B1 | Team C1 | Team D1 |
| Team A2 | Team B2 | Team C2 | Team D2 |
| Team A3 | Team B3 | Team C3 | Team D3 |
ការចាប់ពូល 4ក្រុម ដែលឡើងដោយស្វ័យប្រវត្តិក្នុងវគ្គ 8ក្រុម ( Pool Lucky draw 4 team direct invite )
| Q1 | Q2 | Q3 | Q4 |
| Top 4 | Top 4 | Top 4 | Top 4 |
| Top A | Top B | Top C | Top D |
វគ្គចាប់ពូលគឺមាន 12ក្រុមដែលចែកជា 4ពូលសន្សំពិន្ទុឡើងទៅលេងវគ្គ 8ក្រុមចុងក្រោយ (Quarter Final) ។ ការប្រកួតលេង 5 Round ដោយក្រុមដែលយកឈ្នះមានពិន្ទុដូចខាងក្រោម ៖
- 5:0 អ្នកឈ្នះ បាន 5 ពិន្ទុ, អ្នកចាញ់ បាន 0 ពិន្ទុ
- 5:1 អ្នកឈ្នះ បាន 5 ពិន្ទុ, អ្នកចាញ់ បាន 1 ពិន្ទុ
- 5:2 អ្នកឈ្នះ បាន 5 ពិន្ទុ, អ្នកចាញ់ បាន 2 ពិន្ទុ
- 5:3 អ្នកឈ្នះ បាន 5 ពិន្ទុ, អ្នកចាញ់ បាន 2 ពិន្ទុ
- 5:4 អ្នកឈ្នះ បាន 4 ពិន្ទុ, អ្នកចាញ់ បាន 3 ពិន្ទុ
3.3. ការប្រកួតជម្រុះ
របៀបប្រកួតក្នុងការប្រកួតវគ្គ 8ក្រុម ចុងក្រោយ (Quarter Final) ក្រុមត្រូវប្រកួតគ្នាក្នុងលក្ខខណ្ឌចាញ់ធ្លាក់ ឈ្នះឡើងដើម្បីស្វែងរកជើងឯកនៃការប្រកួត
ការចាប់គូរប្រកួតវគ្គជម្រុះ៖
4.អាជ្ញាកណ្ដាលក្នុងករណីមានជំលោះ ឬវិវាទពីការប្រកួត
- អាជ្ញាកណ្ដាលមានសិទ្ធិក្នុងការកាត់សេចក្តីទៅលើកាប្រកួតដោយស្របតាមគោលការណ៍ Fair Play មិនលម្អៀង ។
- រាល់ការកាត់សេចក្តីនឹងមិនអាចមានការតវ៉ាបន្តបានឡើយក្រោយពីប្រកាសសំរេចរួចជាស្ថាពរ។
- មានសិទ្ធដកឬកាត់សេចក្ដីចុងក្រោយទៅលើក្រុមណាមួយដែលបានធ្វើខុសពីច្បាប់ការប្រកួត ឬតាមការមើលឃើញជាក់ស្ដែងនៃកំហុសនោះ។
4.1.អំពីអាជ្ញាកណ្ដាលសម្រាប់ការប្រកួត
ត្រូវកំណត់កាត់សេចក្ដីមិនលម្អៀងដោយគោរពគោលការណ៍នៃច្បាប់ដែលបានកំណត់ ដោយអាជ្ញាកណ្ដាលមានសមាសភាព 5រូប ៖
- អាជ្ញាកណ្ដាល 2 រូប ជាអ្នកកាត់សេចក្ដីដោយឈរមើលពីក្រោមការប្រកួត
- អាជ្ញាកណ្ដាល 2 រូប ជាត្រួតពិនិត្យទៅលើកីឡាករ
- អាជ្ញាកណ្ដាល 1 រូប ជាអ្នកត្រួតពិនិត្យនៅក្នុងហ្គេម ( Observer )
5.ការហាមឃាត់
5.1. ការហាមឃាត់សម្រាប់ការប្រកួតកីឡាអេឡិចត្រូនិក AK2
មិនអនុញ្ញាតអោយប្រើប្រាស់កម្មវិធីជំនួយផ្សេងៗ សម្រាប់សម្រួលដល់ការប្រកួត ឬជំនួយក្នុងការយកព្រាបឈ្នះទៅលើដៃគូររបស់ខ្លួនឡើយ។
ដូចនេះហើយទើបមានចែងការកំណត់អំពីការហាមឃាត់នានាសម្រាប់ការប្រកួតប្រភេទវិញ្ញាសារអេឡិចត្រូនិក AK2។
5.2. ការហាមឃាត់ការប្រើប្រាស់កម្មវិធីជំនួយផ្សេងៗ
- ការប្រើ Hack
- Tool ជំនួយ
- វត្ថុដែលដាក់បង្កប់ក្នុងសម្ភារៈដែលយកមកប្រកួត
- កម្មវិធីផ្សេងៗទៀតដែលជំនួយដល់ការប្រកួត
5.3. ការហាមឃាត់ក្នុងបរិវេណប្រកួត និងកំឡុងពេលប្រកួត
- សម្រាប់ការប្រកួតកីឡាអេឡិចត្រូនិកវិញ្ញាសារ AK2 មិនអនុញ្ញាតអោយជនណាម្នាក់ឬក្រុមណាមួយធ្វើការ ភ្នាល់គ្នាជាលក្ខណៈល្បែងស៊ីសងនោះឡើយ។
- ក្នុងបរិវេនប្រកួត មិនអនុញ្ញាតអោយមានគ្រឿងស្រវឹងៗផ្សេងៗនោះឡើយ។
- ការសរសេរឆាត ឬតាមការ Comment ឌឺដងដាក់គ្នាតាមរយៈបណ្ដាញសង្គមហ្វេសប៊ុក (Facebook, Twitter, Instagram,TikTok …) ដែលជាហេតុបង្កជាជម្លួសបាន។
6.ការបង្កហឹង្សាបរិវេណប្រកួត
- មិនអនុញ្ញាតអោយបង្កអំពើហឹង្សាក្នុងកំឡុងពេលប្រកួត ។
- ក្នុងករណីមានហឹង្សាក្នុងបរិវេណប្រកួតគឺ ដែលមិនអាចដោះស្រាយបាន ឬមានលក្ខណៈធ្ងន់ធ្ងរ នោះយើង នឹងបញ្ជូលសំណុំរឿងនោះទៅកាន់សមត្ថកិច្ចនៃដែនដី ដោះស្រាយតាមផ្លូវច្បាប់នៃព្រះរាជាណាចក្រកម្ពុជា។
យើងខ្ញុំសូមរក្សាសិទ្ធកែប្រែដោយមិនជូនដំណឹងជាមុន
សម្រាប់ព័ត៌មានបន្ថែម 015 364 168 / 015 294 168
SABAY សូមអគុណ!