AK War Journal: អ្នក​ជំនាញ​ប្រាប់​ក្បួន​សឹកត្រៀម​ប្រកួត​AK

February 1, 2012

ក្នុង​ន័យ​ពង្រឹង​សមត្ថភាព ស្មារតី ក៏​ដូចជា​យុទ្ធសាស្ត្រ​ប្រកួត​ដណ្ដើម​ពានរង្វាន់​AK អន្តរជាតិ​ដែល​នឹង​ប្រារព្ធ​ទៅ​ពាក់​កណ្ដាល​ខែ​មករា ឆ្នាំ២០១២​ខាង​មុខ​នេះ។

លោក ​ណិប បុល ដែល​ធ្លាប់​មាន​បទពិសោធន៍​ធ្វើ​សឹកសង្គ្រាម បាន​ចំណាយ​ពេល​ដ៏​មាន​តម្លៃ ​ធ្វើ​បទ​បង្ហាញ ចែករំលែក​បទពិសោធន៍ យុទ្ធសាស្ត្រ ច្បាប់​ទាហាន​ពិត និង​វិធីសាស្ត្រ​ដទៃ​ទៀត​ដើម្បី​កម្ចាត់​សត្រូវ​លើ​សមរភូមិ​ប្រកប​ដោយ​ ជោគជ័យ ដល់​បេក្ខជន​ដែល​មាន​ឈ្មោះ​ក្នុង​បញ្ជី​ប្រកួត​ទាំងពីរ​ក្រុម​ចំនួន​១០​ នាក់។

លោក​​លើក​ឡើង​ថា “កម្លាំង​កាយ​ កម្លាំង​ចិត្ត កម្លាំង​ស្មារតី ត្រូវ​រួម​បញ្ចូល​តែ​មួយ​បើ​ចង់​ធ្វើ​ទាហាន និង​ហ៊ាន​ពលី​សព្វ​បែបយ៉ាង ទើប​អាច​សម្រេច​ជោគជ័យ​ឲ្យ​ក្រុម ឬ​ប្រទេស​ជាតិ​ទាំង​មូល​បាន”។

AK ជា​ការ​កម្សាន្ត​អនឡាញ​មួយ​ប្រភេទ​ដែល​បង្កប់​ទៅ​ដោយ ការ​ធ្វើ​សឹកសង្គ្រាម​ដោយ​ប្រើប្រាស់​សព្វា​ចម្បាំង​មាន​ទាំង​អាវុធ​ធុន​ ខ្លី ធុន​វែង និង​គ្រាប់បែក​ជាដើម៕