AK War Journal: អាថ៌កំបាំងរបស់ក្រុម Red Boy Club
ក្រុមជើងខ្លាំងដែលជាប់លេខ២ ពីការប្រកួត AK Cambodian National Championship កន្លងមកនេះ បានបង្ហាញពីស្នៀតកំពូល និងភាពខ្វះចន្លោះរបស់ក្រុម ក្នុងសមរភូមិ AKអនឡាញ ។ ចង់ដឹងថា តើក្រុម Red Boy Club មានចំណុចខ្លាំង និងចំណុចខ្សោយអ្វីខ្លះ?
ប្រធានក្រុម របស់ Red Boy Club បាននិយាយថា ៖ “សហការគ្នាល្អ ហើយយុទ្ធសាស្ត្រក៏អាចចាត់ទុកថាប៉ិនប្រសប់បានដែរ”។ ប្រធានក្រុមបានបន្ថែមទៀតថា ទឹកដៃរបស់ពួកខ្ញុំគឺចេះប្រើអាវុធ ស្មើដៃគ្នា ហើយពូកខ្ញុំមានតួនាទីការពារក្រុមរៀងៗខ្លួន នៅពេលដែលចូលទៅសមរភូមិ។ ចំពោះយុទ្ធសាស្រ្ដវិញ RBC ត្រូវបានបែងចែកតួនាទីយ៉ាងច្បាស់លាស់សម្រាប់ក្រុមទាំងមួល ដែលនៅក្នុងនោះគឺមានម្នាក់ជាដើរចូលទៅសមរភូមិមុនគេ ហើយមានម្នាក់ទៀតចាំគប់គ្រាប់បែកចូលទៅទីតាំងសត្រូវ ក្រៅពីនោះសមាជិកដែលនៅសល់គឺនៅចាំជួយអ្នកដែលបានដើរចូលទៅ សមរភូមិមុនគេ។ ក្រៅពីយុទ្ធសាស្ត្រខាងលើ ក្រុម RBC ក៏មានជំនាញបាញ់ស្ទាក់គូសត្រូវបានយ៉ាងរហ័ស ពូកែខាងស្ដាប់សំឡេងជើងរបស់សត្រូវ និងជំនាញខាងគប់គ្រប់បែកផងដែរ។
ទោះបីជា ចំណុចខ្លាំងនៃក្រុម RBC មានយុទ្ធសាស្ត្រល្អយ៉ាងណាក៏ដោយ ក៏នៅតែមានចំណុចអវិជ្ជមានមួយចំនួនកើតឡើងជៀសមិនផុត។ ជុំវិញចំណុចខ្វះខាតនេះ ប្រធានម្នាក់នេះបានបញ្ជាក់ថា ដោយសារតែពួកយើងទើបតែមានសមាជិកថ្មីក្នុងក្រុម ហើយបញ្ហាត្រង់ថា”ពួកយើងហាត់បានតែមួយថ្ងៃតែពីរម៉ោងប៉ុណ្ណោះ ព្រោះយើងមិនអាចចោលការសិក្សាបានឡើយ” ។
ចំណុចមួយទៀត គឺ ក្រុម RBC កំពុងតែស្ថិតនៅក្នុងដំណើរការស្រាវជ្រាវរកវិធីសាស្ត្រថ្មី ព្រោះក្នុងពេលប្រកួតតែងមានបញ្ហាចៃដន្យកើតឡើង។
Red Boy Club ជាក្រុមជើងខ្លាំងមួយក្នុងចំណោមពីរក្រុម ដែលជាអ្នកឈ្នះជើងឯកក្នុងការប្រកួត AK Online កាលពីខែវិច្ឆិកាកន្លងទៅនេះ ហើយសព្វថ្ងៃនេះ ពួកគេកំពុងតែហ្វឹកហាត់ និងរកវិធីសាស្រ្តថ្មីបន្ថែមទៀត ដើម្បីរួមដំណើរជាមួយក្រុមជើ់ងឯក The Hell’s Gateដើម្បីត្រៀមទៅប្រកួត វគ្គជម្រុះអន្តរជាតិ ជាបន្តទៀតនៅប្រទេសម៉ាឡេស៊ីពាក់កណ្ដាលខែមករា ខាងមុខនេះ។