AK War Journal: យុទ្ធសាស្ត្រខ្ញុំ និងយុទ្ធសាស្ត្រសម្លាញ់
បន្ទាប់ពីបានបកស្រាយពីចំណុចអវិជ្ជមាន និងវិជ្ជមានរបស់ក្រុមជើងឯកទាំងពីរក្រុមរួចមក ក្រុមទាំងពីរនេះនៅមានយុទ្ធសាស្ត្រ និងចំណុចអវិជ្ជមានមួយចំនួនដែលត្រូវសិក្សាបន្ថែមទៀត ក្នុងការត្រៀមខ្លួនទៅប្រកួតនៅប្រទេសម៉ាឡេស៊ី។
ថ្វីត្បិតតែក្រុមទាំងពីរមានសមត្ថភាពខ្លាំងៗប្រហាក់ប្រហែលគ្នា ក៏ ពិតមែន ប៉ុន្តែការប្រកួតអន្តរជាតិខិតជិតមកដល់ទើបតម្រូវឲ្យក្រុមទាំង ពីរពួតដៃគ្នា ផ្លាស់ប្ដូរវិធីសាស្ត្រប្រយុទ្ធក្នុងសមរភូមិ ដើម្បីបង្កើនគុណភាពការធ្វើសឹកសង្គ្រាម។ តើចំណុចអ្វីខ្លះដែលក្រុមនិមួយៗបានសិក្សាពីគ្នា? តើគំនិតរបស់ក្រុមមួយផ្សេងទៀតល្អកម្រិតណា ដែលទាមទារក្រុមមួយផ្សេងទៀតត្រូវទទួលយកដើម្បីអោយទឹកដៃរបស់ ពួកគេកាន់តែល្អ?
ថាន់ណាន់ ឡើងបង្ហាញពីវិធីសាស្ត្រក្រុម
ឆ្លើយតបទៅ នឹងការប្រជុំគ្នាដ៏មានអត្ថប្រយោជន៍នេះ ប្រធានក្រុម ក៏ដូចជាសមាជិកក្រុម The Hell’s Gate ទាំងអស់បានពោលដូចៗគ្នាថា បើគិតពីយុទ្ធសាស្ត្រក្បួនសឹក យើងគិតថាយើងធ្វើបានល្អ ប៉ុន្តែធម្មតាទេ យើងខ្លួនឯងតែងតែមើលឃើញបែបនេះ។ បាញ់ស្មើដៃ ជំនាញដាក់គ្រាប់បែក ចេះជួយនិងចេះSupport គ្នាបានយ៉ាងល្អ ប៉ុន្តែហាក់នៅមានអារម្មណ៍ភ័យ ច្រើន ព្រោះមិនធ្លាប់ឡើងសង្វៀនជាមួយទាហានបរទេស។ ក្រុមដដែលនេះក៏បានកោតសរសើរដល់ក្រុមRBC លើសមត្ថភាពស្ដាប់សំរិបជើង និងការគប់គ្រាប់បែក ប៉ុន្តែអ្វីដែលក្រុមនេះគួរតែពង្រឹងបន្ថែមនោះ គឺហ្វឹកហាត់ឲ្យបានច្រើនជាងនេះ ដោយសារតែក្រុមនេះមានសមាជិកថ្មីម្នាក់។
សមាជិក ក្រុមRed Boy Club ប្រាប់ពីរបៀបពង្រាយទ័ព
ក្រឡេកមកជួប ជាមួយក្រុមRBC វិញបានលើកឡើងថា រាល់ចំណុចដែលក្រុមរបស់គេគិតថាខ្លាំង និងអស្ចារ្យបំផុតនោះ បែរជានៅមានភាពខ្វះចន្លោះ បន្ទាប់ពីការជជែកវែកញែករវាងក្រុមរួមដំណើរ និងក្រុមការងារAK។ បូវីន ប្រធានក្រុមនេះ គិតថា គេនឹងព្យាយាមពង្រឹង និងកែតម្រូវចំណុចខ្វះខាតរបស់ក្រុម ជាពិសេសពង្រឹងសមត្ថភាពរបស់សមាជិកថ្មី ឲ្យគេថ្នឹកដៃ ដូចសមាជិកចាស់ៗអ៊ីចឹង។ ចំពោះភាពភ័យខ្លាចThe Hell’s Gate គួរតែបំបាត់ឲ្យខាងតែបានទៅ ព្រោះក្រុមរបស់គេ មិនដែលគិតពីភាពភ័យខ្លាចនោះទេ គឺផ្ដោតទៅលើតែយុទ្ធសាស្ត្រប៉ុណ្ណោះ។ “ប្រកួតនៅទីណា ជាមួយនរណា មិនសំខាន់ សំខាន់គឺពង្រឹងស្មារតី មានយុទ្ធសាស្ត្រច្បាស់លាស់ ចេះស្ដាប់គ្នា ទើបជាការប្រសើរ”។
ក្រុមជម្រើស ជាតិទាំងពីរនេះ ទទួលស្គាល់ថាការផ្លាស់ប្ដូរយុទ្ធសាស្ត្រ ចែករំលែកបទពិសោធន៍ ក៏ដូចជាភាពខ្លាំង និង ភាពខ្សោយក្រុមខ្លួន នេះជាមធ្យោបាយល្អបំផុត ដើម្បីយកមកធ្វើជាបទពិសោធន៍ និងកែលំអ ភាពខ្វះខាតរបស់ក្រុម។
Red Boy Club ជាក្រុមជើងខ្លាំងមួយក្នុងចំណោមពីរក្រុម ដែលជាអ្នកឈ្នះជើងឯកក្នុងការប្រកួត AK Online កាលពីខែវិច្ឆិកាកន្លងទៅនេះ ហើយសព្វថ្ងៃនេះ ពួកគេកំពុងតែហ្វឹកហាត់ និងរកវិធីសាស្រ្តថ្មីបន្ថែមទៀត ដើម្បីរួមដំណើរជាមួយក្រុមជើ់ងឯក The Hell’s Gateដើម្បីត្រៀមទៅប្រកួត វគ្គជម្រុះអន្តរជាតិ ជាបន្តទៀតនៅប្រទេសម៉ាឡេស៊ីពាក់កណ្ដាលខែមករា ខាងមុខនេះ។