រង្វាន់ពិសេសសម្រាប់ជើងខ្លាំងCNC 2012
ពិតជាអស្ចារ្យចំពោះរង្វាន់ពិសេសម្រាប់ជើងខ្លាំង ដែលបានពុះពារគ្រប់ឧបសគ្គ ក្នុងព្រឹត្តិការណ៍ប្រកួតដ៏កក្រើក CNC 2012 ដើម្បីក្លាយជាក្រុមកំពូលទូរទាំងប្រទេស។ ចុងបញ្ចប់នៃការប្រកួត Cambodia National Championship 2012 យើងបានរកឃើញក្រុមជើងខ្លាំងទាំងបួន រួមមាន៖ NeverCare, MDGoodBye, TheHell’sGate, SomKlach។ ចំនែកឯរង្វាន់ពិសេសម្រាប់ជើងខ្លាំងទាំងបួននេះវិញគឺ កាំភ្លើង MATIC 2013 និងសំលៀកបំពាក់ AK Online CNC 2012 មួយឈុត ដែលនឹងត្រូវផ្តល់ជូននៅថ្ងៃសុក្រ ទី២៩ ខែមិនា ឆ្នាំ២០១៣ ខាងមុខនេះ។
MATIC ជាកម្មវិធីប្រកួតប្រជែងសមត្ថភាពបច្ចេកវិទ្យាសេវាកម្សាន្តអនឡាញជាលក្ខណៈអន្តរជាតិ ដែលរៀបចំឡើងជារៀងរាល់ឆ្នាំនៅតាមបណ្តាប្រទេសមួយចំនួននៅអាស៊ី។ ឆ្នាំនេះ ជាលើកទីពីរសម្រាប់ប្រទេសកម្ពុជា ដែលមានក្រុមតំណាងទៅចូលរួមប្រកួតជាអន្តរជាតិ ដែលប្រទេសថៃទទួលរៀបចំធ្វើជាម្ចាស់ផ្ទះ។
គួរបញ្ជាក់ផងដែរថា៖ ឆ្នាំនេះក្រុមថ្មីពីរទៀតគឺ NeverCare និង MDGoodBye ដែលជាក្រុមជើងខ្លាំងរបស់កម្ពុជា និងដែលបានយកឈ្នះការប្រកួតជម្រុះវគ្គផ្ដាច់ព្រ័ត្រ Cambodia National Championship 2012 (CNC2012) កាលពីខែធ្នូកន្លងទៅ នឹងចេញទៅសាកល្បងយុទ្ធសាស្ត្រទល់ក្រុមជើងខ្លាំងអន្តរជាតិមួយចំនួនទៀត ដើម្បីអាចក្លាយជាម្ចាស់កំពូលជើងឯកដ៏ពិតប្រាកដក្នុងកម្មវិធីប្រកួតដ៏អស្ចារ្យប្រចាំឆ្នាំមួយនេះ។
ក្រុម NeverCare ជើងឯក CNC
ក្រុម MDGoodBye ជើងឯករង CNC
ក្រុម TheHell’sGate លេខ៣
ក្រុម SomKlach លេខ៤