ការប្រកួត AK2 Online GM Monthly Challenge

April 27, 2020

ដោយសារតែពេលនេះ AK2 បានពន្យាពេលការប្រកួត AK2 Cyber Showdown 2020 ពេលនេះ AK2 បានចេញមកនៅការប្រកួត Online ដែលនឹងអោយអ្នកលេងទាំងអស់បានចូលរួមប្រកួត Live ដើម្បីឈ្នះ Sabay Gold ផងដែរ ។ ការប្រកួតនេះគឺអ្នកលេងនឹងត្រូវប្រកួតជាមួយក្រុម GM Sabay របស់យើងក្នុងវគ្គផ្តាច់ព្រ័ត្រក្នុងសប្តាហ៍ទី៤ ដើម្បីទទួលបានរង្វាន់ Sabay Gold ចំនួន 4,000 Sabay Gold ។

ដោយការចុះឈ្មោះការប្រកួតអាចចុះឈ្មោះបានរហូតដល់ ៦ ក្រុម សម្រាប់សប្ដាហ៍ទី២ និងទី៣ ការជម្រុះនោះគឺយកតែ ២ ក្រុមតែប៉ុណ្ណោះក្នុង១សប្ដាហ៍ ។ សម្រាប់សប្ដាហ៍ទី៤ ៤ក្រុមដែលជាប់ក្នុងសប្ដាហ៍ទី២ និងទី៣ និងធ្វើការប្រកួតជម្រុះចុងក្រោយ ដើម្បីឡើងទៅប៉ះជាមួយក្រុម GM Sabay ដើម្បីទទួលបានរង្វាន់Sabay Gold ចំនួន 4,000 Sabay Gold បើចាញ់ក្រុម GM Sabay ក្រុមនឹងទទួលបានរង្វាន់ចំនួន 800 Sabay Gold ។ សម្រាប់ក្រុមដែលទទួលបានជ័យលាភីក្នុងសប្ដាហ៍ទី២ និងទី៣ នឹងទទួលបានជា Item ក្នុង AK2 ។

កុំភ្លេចចូលរួមប្រកួតនិងទស្សនាយករង្វាន់ទាំងអស់គ្នានៅលើ Facebook page “AK Sabay *OfficialPage”

ចុះឈ្មោះឥតគិតថ្លៃបាននៅទីនេះ mysabay ។ បញ្ចាក់យកតែ4ក្រុមទេ ចុះឈ្មោះមុនមានឱកាសចូលរួមមុន

លក្ខខណ្ឌក្នុងការប្រកួត

ក្នុង១ក្រុមត្រូវមានសមាជិក៥នាក់
ក្រុមប្រកួតមិនអាចដូរសមាជិករបស់ខ្លួនបានឡើយ
ក្រុមប្រកួតទាំងអស់ត្រូវប្រើតួអង្គដែលមានកម្រិតចាប់ពី៨០ឡើងទៅក្នុងការប្រកួត
ក្រុមប្រកួតទាំងអស់សូមអោយមានឈ្មោះតួអង្គសមរម្យ
កីឡាករទាំងអស់ត្រូវអាចដើរបាននៅនាទី 2:55
ការបោះកាក់សំរាប់ការប្រកួត : ក្រុមដែលឈ្នះការបោះកាក់អាចរើសយក Pick និង Ban map មុនឬរើសពណ៌មុន
សម្រាប់សប្ដាហ៍ទី២ និងទី៣ ៨ក្រុមត្រូវលេងតាមពូល ហើយ Top 2 team ពីពូលនីមួយៗ ឡើងទៅប្រកួតវគ្គ Knock Out
សម្រាប់សប្ដាហ៍ទី៤ ក្រុមដែលជាប់នៅសប្ដាហ៍ទី២ និងទី៣ចំនួន4ក្រុម ត្រូវឡើងមកប្រកួតជំរុះ Knock Out ហើយឡើងមកប្រកួតវគ្គផ្តាច់ព្រ័ត្រជាមួយក្រុម GM Sabay

ការប្រកួតសប្ដាហ៍ទី២ និងទី៣

ការប្រកួតសប្ដាហ៍ទី៤

ច្បាប់ក្នុងការប្រកួត

សព្វាវុធទាំងអស់មិនអនុញ្ញាតអោយដាក់បន្ថែមត្បូង (Gun Soul) និងសត្វចិញ្ចឹម (Pet)ឡើយ។
ប្រសិនបើមានចេតនា ប្រើប្រាស់កំហុសផែនទី (Map Bug) នឹងត្រូវបានព្រមានលើកទី1 និងលើកទី2 នឹង ត្រូវបានបណ្តេញចេញពីការប្រកួត។
ប្រសិនបើ Players ទាំងអស់មិនអាចបញ្ចប់ដោយសារតែហេតុផលដោយអចេតនា និងមិនបានរំពឹងទុក ដូចជា Server ឈប់ដំនើរការឬគាំង ពិន្ទុជុំនោះនឹងត្រូវបានបោះបង់ និងការប្រកួតនឹងចាប់ផ្តើមឡើងវិញ ដោយយកច្បាប់ក្រុមហ៊ុនកំណត់រួចមកអនុវត្តន៍។
ប្រសិនបើមានបញ្ហាដូចជា Disconnect, crashesនិងមានបញ្ហាអ្វីមួយដែលកើតឡើងដោយមិននឹកស្មានដល់នោះក្រុមត្រូវផ្តលសញ្ញាឬ Chat All ថា “DC ឬ Disconnect”។
បើ Player មានបញ្ហា (ស្ថានភាពកាយសម្បទា) មិនអាចបន្តការប្រកួត អ្នករៀបចំនឹងមិនទទួលខុសត្រូវទេ។ សមាជិក ២ក្នុងចំណោម ៥ អវត្តមានពីការប្រកួត សមាជិកក្រុមអាចពិចារណាបោះបង់ចោលការប្រកួត ឬបន្ត ។
ក្នុងអំឡុងពេលនៃការប្រកួត Hacks, Bugs, និងThird Party Tools ត្រូវបានហាមឃាត់។ ក្រុមណាដែលប្រើប្រាស់នឹងបញ្ឈប់ការប្រកួត។
ប្រសិនបើមានបញ្ហាដូចជា Disconnect, Lag, Crashes និងមានបញ្ហាអ្វីមួយដែលកើតឡើងដោយមិននឹកស្មានដល់ក្នុងពេលចាប់ផ្ដើមប្រកួតដោយពុំទាន់មានការប្រយុទ្ធនោះនឹងធ្វើការប្រកួតសារជាថ្មី ដោយគិតបន្តទៅលើពិន្ទុឈ្នះ។
ប្រសិនបើមានបញ្ហាដូចជា Disconnect, crashesនិងមានបញ្ហាអ្វីមួយដែលកើតឡើងដោយមានចេតនានោះការប្រកួតនៅតែបន្តអ្នកដែលបានចេញនោះគឹត្រូវចូលមកក្នុង Game ប្រកួតវិញដោយខ្លួនឯង។
ប្រសិនបើមានបញ្ហាដូចជា Disconnect, crashesនិងមានបញ្ហាអ្វីមួយដែលកើតឡើងដោយមិននឹកស្មានដល់ក្នុងពេលដែលក្រុមណាមួយបានដាក់គ្រាប់បែក (C4) រួចរាល់ហើយនោះការប្រកួតនឹងនៅតែបន្ដ។
ត្រូវមានសុជីវធម៌ និងគោរពពេលវេលាក្នុងការប្រកួត។ ក្នុងករណីដែលក្រុមណាមួយមកយឺតរយៈពេល ១០នាទី នោះនឹងចាត់ទុកថាចាញ់ រីឯក្រុមម្ខាងទៀតជាអ្នកឈ្នះ ។
គ្រប់សមាជិកក្រុមទាំងអស់ដាច់ខាតត្រូវរាយការណ៍ទៅក្រុមរបស់ខ្លួនយ៉ាងតិច ៣០នាទីមុនពេលការប្រកួតចាប់ផ្តើម។ ប្រសិនបើដល់ពេលប្រកួតហើយនៅតែមិនទាន់បង្ហាញខ្លួន ឬមានការយឺតយ៉ាវនៅពេលប្រកួតលើសពី ១០នាទី នោះគឺចាត់ទុកថាអវិជ្ជមាន ឬបោះបង់ការប្រកួត។ ចំណែកឯក្រុមម្ខាងទៀតចាត់ទុកថាឈ្នះ ហើយរង់ចាំការប្រកួតបន្ត។